USAID "Кургак учукту айыктыруу" долбоордун алкагында өлкөбүздөгү баштапкы медициналык жардам көрсөтүү уюмдарынын жетекчилери үчүн тренингдер өткөрүлүп жатканын билдиребиз. Тренингдин максаты саламаттык сактоонун маанилүү секторлорунун жетекчилеринин тиешелүү аймакта кургак учукка каршы иш-чаралардын аткарылышын координациялоо жана көзөмөлдөө боюнча потенциалын жогорулатуу болуп саналат.
Тренингдерде лабораториялык жана инструменталдык изилдөөлөрдүн жеткиликтүүлүгүн камсыз кылуу, жагымсыз көрүнүштөрдү башкаруу үчүн дары-дармектер, ошондой эле дары-дармектерди сактоо жана пландаштыруу үчүн шарттарды түзүү боюнча материалдар сунушталып, талкууланды.
Кургак учук менен ооруган бейтаптарды дарылоонун сапатын контролдоо, тактап айтканда, жаңыланган верификация системасы баштапкы медициналык-санитардык жардамдын деңгээлинде кургак учуктан дарылоону ийгиликтүү аяктагандыгы үчүн төлөм шарттары келтирилген. Кургак учук менен ооругандарды верификациялоо системасы маалыматтык системаларды колдонуу менен гана ишке ашырылат, бул дарылоонун сапатынын ачыктыгын жана натыйжалуулугун камсыз кылат.
Милдеттүү медициналык камсыздандыруу фонду тарабынан төлөө шарттары да кайра каралып, анын ичинде кургак учуктун клиникалык аныкталган түрлөрүн жана рецидивдерди азайтуу каралган. Төлөмдөрдүн милдеттүү шарттары диагностикалык алгоритмди сактоо, клиникалык мониторинг жана кургак учук оорусун дарылоонун натыйжасын лабораториялык жана инструменталдык ырастоо болуп саналат.
