2024-жылдын 31-октябрында Улуттук фтизиатрия борбору менен USAIDдин «Кургак учуктан айыктыруу-2» масштабдуу долбоорун ишке ашыруучу John Snow Inc командасынын ортосунда биринчи жолугушуу болуп өттү.

Долбоордун жетекчиси Ибраимова Айнура Султановна өзүнүн командасы менен тааныштырып, алдыдагы 5 жылдык иштердин негизги багыттары тууралуу кеңири айтып берди.

Долбоор кийинки маанилүү натыйжаларга жетишүүгө багытталган:

• 2022-2026-жылдарга «Кургак учук-VI» мамлекеттик программасын колдоо

• USAIDдин кургак учукка каршы глобалдык стратегиясынын принциптерин ишке ашыруу (2023-2030)

• Кургак учук инфекциясынын жайылышын алдын алуу

• «Кургак учукту айыктыруу» долбоорунда жетишилген натыйжаларды бекемдөө

• Диагностиканын жана дарылоонун заманбап инновациялык ыкмаларын киргизүү

• Улуттук кургак учукка каршы кызматтын потенциалын чыңдоо

Улуттук фтизиатрия борбору менен USAID командасынын биргелешкен аракеттери Кыргызстанда кургак учукка каршы күрөшүүдө олуттуу натыйжаларга жетишүүгө мүмкүндүк берет деп ишенебиз.