30-мартта Улуттук фтизиатрия борборунда MinION түзмөктөрүн колдонуу менен геномдук таргеттик нанопоралык секвенирлөөнү жүргүзгөн лабораториялар үчүн жабдууларды, реагенттерди жана сарпталуучу материалдарды тапшыруунун расмий аземи болуп өттү. ⠀ Иш-чарага Кристин Кремер, Ноут Херманс жана борбордун директору Кадыров Абдуллат Саматович катышты. ⠀ Директор өз сөзүндө белгилегендей, нанопоралык секвенирлөөнү киргизүү системалуу иштин, эл аралык кызматташтыктын жана мамлекеттин колдоосунун аркасында мүмкүн болду. ⠀ Бүгүнкү күндө жабдуулар өлкөнүн төмөнкү негизги лабораторияларына өткөрүлүп берилди:

• Ош облустук кургак учукка каршы күрөшүү борбору (ООККБ)

• Жалал-Абад облустук кургак учукка каршы күрөшүү борбору (ЖАОККБ)

• Бишкек-Чүй облустук кургак учукка каршы күрөшүү борбору (БЧОККБ)

• Оорулардын алдын алуу жана мамлекеттик санитардык-эпидемиологиялык көзөмөлдөө департаментинин (ОААжМСЭКД) алдындагы антимикробдук резистенттүүлүк (АМР) боюнча референс-лабораториясы

• Ош оорулардын алдын алуу жана мамлекеттик санитардык-эпидемиологиялык көзөмөлдөө борбору (ОААжМСЭКБ) ⠀ Бул жугуштуу ооруларга каршы күрөшүүнүн улуттук системасын чыңдоо жана алдыңкы илимий чечимдерди практикалык саламаттыкты сактоо тармагына киргизүү жолундагы маанилүү кадам болуп саналат.

• 

•