Кечээ биздин борбордун базасында «Республиканын аймактарында кургак учукка каршы иш-чараларды күчөтүү» аттуу маанилүү стратегиялык семинар өз ишин баштады. Иш-чара облустук кургак учукка каршы күрөшүү борборлорунун жетекчилеринин катышуусунда өтүүдө жана 2023–2026-жылдарга карата «Кургак учук-VI» Улуттук программасынын негизги милдеттерин ишке ашыруунун алкагында уюштурулду.

Жолугушуунун негизги максаты — жер-жерлерде медициналык жардам көрсөтүүнүн натыйжалуулугун жогорулатуу үчүн бүткүл өлкө боюнча адистердин күч-аракетин бириктирүү. Жумушчу сессиялардын жүрүшүндө катышуучулар иштин стратегиялык багыттарын: ооруну активдүү аныктоо алгоритмдерин жакшыртуу, сапаттуу клиникалык мониторинг жүргүзүү, ошондой эле социалдык стигманы жана басмырлоону азайтуунун эң маанилүү маселелерин кеңири талкуулап жатышат.

Көп күндүк кеңешменин жыйынтыгы боюнча өлкөнүн аймактарында кургак учук боюнча эпидемиологиялык кырдаалды мындан ары жакшыртууга багытталган конкреттүү кадамдарды иштеп чыгуу, ар бир облус үчүн иш-аракеттер планын жаңылоо жана жаңы сунуштарды киргизүү пландаштырылууда.